شمس النهار تقول في معرض ردها علي لورانس العرب يوم 19 يوليو
في فرق كبير جدا بين عبد الناصر واللامبارك
وكنت رديت في بوست عندي علي سؤال ليه رغم الهزيمة الناس كانت بتحب عبد الناصر
ده ردي عليهم
---
بالنسبه لسؤالك عن عبد الناصر وكذلك قوس قزح
السؤال ده عايز قاعدة كبيرة اوي
بس هحاول اختصر
عبد الناصر كان له كاريزما جامده اوي (يبقي من وجهة نظرها عيب مبارك انة معنديهوش كاريزما)
ولما جه
جه ومعاه حلم للبسطاء
ملك الفلاح 5 فدادين كان اجير فيهم (ومش هتكلم عن فشل هذا بتفتيت الارض الزراعيه لحد ماوصل ان الشاب ورث قيراط هيعمل بيه ايه هيزرعه ازاي راح باني عليه بيت وسافر الدول العربيه يشتغل او نزل القاهرة يشوف رزقه وضاعت الارض وضاع محاصيل جميلة زي القطن المصري الجميل وده خد في وشه مصانع النسيج والقماش المصري...الخ)
نيجي للعامل بدل ماكان بيشتغل اجير اممله المصانع وخلاه في مجلس الادارة وشاركه في الارباح وعمل له نقابه تحميه(بغض النظر ان العامل ده بلطج ومابقاش يشتغل كويس علشان كده كده هو هيقبض اخر الشهر)
اما المثقفين كان السواد الاعظم منهم ضد الملكيه واللي بيعمله الملك
وحبوا الثورة والتفوا حواليها
والطبقات اللي ماكانتش بتقدر تعلم ولادها عملهم مجانية التعليم(اللي طبعا اثارها واضحة الان)
ده قليل من كثير مش عايزة بقا يحبوا عبد الناصر صاحب الحلم الجميل اللي اتحقق فعلا
الناس حبته وصدقته ومشيت وراه
كون ان الحلم ماكنش مدروس او اتنفذ غلط بس برضه همه حبوه
والوطن وشعوب الوطن العربي برضه حبته علشان حلم القوميه العربيه وكمان مساعدته في كفاحهم ضد الاستعمار
وحروب التحرير
عبد الناصر في تصوري انه انشغل بقضايا علي حساب قضايا ( يبقي مش بتحب مبارك علشان كان مشغول بقضية واحدة )
وترك اشياء كتير لناس المفروض انهم اهل ثقه ( واية مبارك ياهانم )
لعبوا باقدار الناس
وخربوها( وفين مبارك ياهانم )
واول خراب بان كان 67ده اللي بان الباقي مااتعرفش غير لما مات عبد الناصر
والناس الكريهه دي وقعوا ورا بعض وخبطوا في بعض
ومجي واحد زي السادات عارف الدهاليز
كلها
الناس دي اتفضحت واتشهر بيها واتعرف كل شئ
يبقا ان جمال عبد الناصر بشر ( اشمعني عبد الناصر بشر ومبارك مش بشر )
وليس خارق له عيوب وميزات واي قانون وضع هو قانون بشري قابل للصح والغلط( ومبارك ملوش الحق في الكلام دة )
ويبقا عبد الناصر زعيم حكم مصر
يعني ده راي كمواطنه لا خبرة لي بالسياسه ولكن اسجل ماعاصرته فقط ( الحمد الله ان عافاني مما ابتلي بة الست شمس )
ليست هناك تعليقات:
إرسال تعليق